Íslendskur lestrarstuðul til føroyingar

Íslendska mentamálaráðið bjóðar føroyingum at søkja stuðul til lestur í íslendskum máli og bókmentum komandi lestrarár.

Stuðulin er 130.000 íslendskar krónur um mánaðin í átta mánaðir. Tað samsvarar við eitt lestrarár. Upphæddin er umleið 6.400 í okkara krónum um mánaðin.

Stuðulin hevur verið tøkur í nógv ár, sigur Turið Sigurðardóttir, professari á Fróðskaparsetri Føroya.