Vónar at samgonguskjalið verður klárt í vikuni

Fyrrapartin fingu flokkarnir eina frágreiðing frá Fíggjarmálaráðnum. Uppskot til nýggja fíggjarlóg skal verða lagt fyri tingið fyri 1. oktober.

Men av tí at tíðin er so knøpp, verða tølini í uppskotinum helst bara framskrivað, sigur Aksel V. Johannesen. Nágreiniliga viðgerðin byrjar ikki, fyrr enn fíggjarlógaruppskotið kemur til aðru viðgerð.

Samgongutingingarnar Á Gamla apoteki vórðu tiknar uppaftur fyri einum tíma síðani. Útvarpið hitti tá samráðingarleiðaran, Aksel V. Johannesen.