Sonja: Samgongan fær fullan stuðul

Sonja Jógvansdóttir er farin úr tingbólkinum hjá Javnaðarflokkinum, tí hjúnabandslógin ikki verður nevnd í samgonguskjalinum, men hon styðjar framvegis samgonguna.

- Eg havi roynt at barst innanhýsis í flokkinum, og tað var óvæntað, at orðingin "borgarlig gifta" ikki kundi koma í samgonguskjalið, segði Sonja Jógvansdóttir við útvarpið á middegi.

Kortini styðjar hon framvegis samgonguna.

- Eg taka 100 prosent undir við samgonguni, og eg fari at atkvøða mál ígjøgnum, sum samgongan leggur fram, sigur Sonja Jógvansdóttir.

Hoyr samrøðuna, sum Sigrún Brend gjørdi við Sonju Jógvansdóttir í útvarpstíðindunum.