Pápin: Annika hevur verið undir øgiligum trýsti

Tað kom óvart á pápa Anniku Olsen, tá hann sunnukvøldið hoyrdi um avgerð hennara at fara burtur úr aftur Framsókn og siga formanssessin í fíggjarnevndini frá sær.

Jákup Olsen, sum sjálvur hevur drúgva fortíð í politikki, heldur, at dóttirin hevur verið undir øgiliga stórum, persónligum trýsti.

- Trýstið gjørdist serliga hart, tí hon avgjørdi at fara inn í Framsókn, sum sprettir úr júst Fólkaflokkinum, metir Jákup Olsen.