Matvørutrot hóttir Føroyar gera lítið og einki

Tróndur Leivsson, stjóri á Búnaðarstovuni, sigur, at játtanin hjá stovuni til gransking er ov lítil, nú útlendskir granskarar undrast á, at føroyingar gera so lítið við at granska í plantum og matvørum.

Tróndur Leivsson sigur, at í dag eru bara tvey fólk, sum fáast við gransking og ráðgeving á stovninum. Annar er landbúnaðarráðgevi, og hin røktar hagan. Harafturat er nøkur tímalønt, sum gera ávísar uppgávur.