Helena: Eingin framhaldsdeild í Sankta Frans skúla

Tað verður eingin framhaldsdeild í Sankta Frans skúla í Havn eftir summarfrítíðina.

Tað staðfestir Helena Dam á Neystabø, forkvinna í mentamálnevndini hjá Tórshavnar kommunu, aftur.

Og tað fer hon at taka uppaftur á fundinum við foreldarbólkin í Sankta Frans skúla í morgin, sigur hon.

Tað undrar forkvinnuna í Mentamálanevndini, at málið um framhaldsdeild í Sankta Frans skúla framvegis er aktuelt, tí býráðið hevur langt síðan samtykt, hvussu skúlabygnaðurin skal vera í kommununi.