Alt er fótbóltur í Onglandi

Fótbóltur hoyrir heima í Onglandi, siga tey. Tað er har, heimsins best umtókta spæl byrjaði. Daniel á Lofti býr í enska høvuðsstaðnum London. Sambært honum fyllir fótbóltur alt í Onglandi í hesum døgum - ikki minst undan dystinum móti grannunum úr Wales.

- Men tað er eingin illvilji millum fjeppararnar, tey sita lið um lið á somu pubbum og hyggja eftir dystinum, sigur Daniel á Lofti, sum í morgunsendingini greiddi frá, hvussu EM-fepurin hevur rakt Ongland.