Ronaldo skrivaði til Aimi á Instagram

11-10-2016

Eg veit ikki, hví hann skrivaði til mín, sigur Aimi Helbo, sum í fyrstuni hevði ilt við at trúgva, at talan veruliga var um fótbóltsstjørnuna

Tá tað gjørdist greitt, at Aimi ikki var í Føroyum, beyð Ronaldo henni at hittast í Madrid.

- Eg veit ikki um eg hevði torað, sigur Aimi, tá hon verður spurd, um hon ætlar at taka av tilboðnum.

Hon leggur aftrat, at hon als ikki veit, um hon fer til Madrid.

Aimi Helbo sigur, at hon als ikki er Ronaldo-fjeppa.

- Hann er sikkurt fínur nokk, og hann er ein ein ok spælari, men hann er eisini eitt sindur grenjutur.

Ein partur av teirra samskifti er at finna á facebookvanganum hjá Aimi. Restin verður tó ikki lagt út, sigur Aimi Helbo, ið heldur, at støðan er ógvuliga surrealistisk

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500