Stella Polaris: Vinnarin var bilsin

Sjálvur var vinnarin bilsin eftir sigurin í Norðurlandahúsinum. Men dómararnir vóru ikki í iva.

Framførslan fyri fullsettum Norðurlandahúsi var bókstaviliga søtur musikkur í oyrunum á dómarunum.

"Hann fær ljóðførið at syngja," ljóðaði ein partur av grundgevingini fyri fyrstaplássið.

Fer at brúka pengarnir fakliga

Dávur Birgisson gongur á konservatorii í Keypmannahavn. Hetta var triðju fer hann tok lut í Stella Polaris. Umframt heiður, fekk vinnarin eisini 20.000 krónur í gávu.

"At fáa 20.000 í peningagávu er ein góður møguleiki hjá mær at luttaka í kappingum uttanlands. Eg kann brúka pengarnir til at ferðast," segði Dávur Birgirsson, sum ikki var í iva um, at pengarnir skuldu brúkast fakliga.