Landssjúkrahúsið: Kanningin er nøktandi

- Men vit eru nøgd við kanningina, sigur Naina Túgvustein, sum er varastjóri á Landssjúkrahúsinum.

Landssjúkrahúsið fekk reyðar viðmerkingar í seks standardum, og harumframt gular viðmerkingar í seks standardum.

Tað vil siga, at tað eru seks krøv sum sjúkrahúsið ikki livur upp til - og seks av krøvunum livir sjúkrahúsið upp til í ávísan mun.

Landssjúkrahúsið manglar at gera vegleiðingar og politikk um nøkur viðurskifti, men sjúkrahúsið arbeiðir longu við hesum, sigur Naina Túgvustein. - Í summum førum hava vit mannagongdirnar, men vit mangla at lýsa tær skrivliga, leggur hon aftrat. 

Eftirmetingarstovnurin metti um, hvussu sjúkrahúsið leyk krøvini í 76 standardum, og í teimum sonevndu indikatorunum, sum hoyra til hvønn standard.