Herða reglur í grótbroti

Bygdarráðið í Hvalba hevur samtykt at gera ymiskar broytingar viðvíkjandi grótbrotinum í Hvalba.

Frameftir skal grótið bara brúkast til arbeiði hjá Hvalbiar Kommunu og til nýbygging í kommununi. Grót til onnur endamál má útvegast í Porkeri, sigur Janus Thomsen, borgarstjóri í Hvalba.

Grótbrotið í Hvalba er lítið, og kommunan metir ikki grundarlag vera fyri at seta fólk í starv til at reka grótbrotið.