Uppskotið byggir á semju

Tað hevur við sær, at 25 prosent av uppsjóvarfiskinum og kvotunum í Barentshavinum, Flemish Cap og í Eysturgrønlandi, verða boðin út á uppboðssølu, sum styttri ella longri loyvi, meðan 75 prosent verða latin teimum sum eru í vinnu.

Tilfeingisgjald skal leggjast á fiskin sum ikki verður seldur.

Og so skal sonevnda antitrust skipanin forða fyri, at nakar kann eiga meir enn 17,5 prosent av samlaðu føroysku fiskirættindunum, og eingin skal kunna eiga meir enn 20 prosent av uppsjóvarfiskinum, botnfiskinum undir Føroyum og fiskiskapinum á fjarleiðum.

Men tann skipanin er ikki virkandi aftureftir, og tann reglan er heldur ikki galdandi fyri stutttíðarrættindi.

Kvotur skulu setast á tosk, hýsu og upsa undir Føroyum, Og so skulu 20 prosent av veidda fiskinum bjóðast út um góðkenda uppboðssølu til føroysk virkir, sigur Høgni Hoydal, landsstýrismaður í fiskivinnumálum.