Sjúkrahússtjórin tekur í egnan barm

Fleiri barnakonur eru ørkymlaðar og bangnar fyri at eiga á landssjúkrahúsinum, eftir eitt innslag í Degi og viku í gjár.

Á sonevndum terminsbólkum á facebook er tað fleiri sum úttala seg um, at tær ikki tora at eiga á landssjúkrahúsinum - nakrar siga enntá, at tær umhugsa at flúgva til Danmarkar at eiga, tá ið tað kann ganga so illa sum tað gjørdi, tá ið Bára Michelsen skuldi eiga á landssjúkrahúsinum týsdagin. Símun Joensen, pápin at barninum, greiddi frá í Degi og Viku í gjár, hvussu hann upplivdi støðuna, tá unnuastan átti. Sí innslag her: Gleðistundis bleiv ein marra.

Johnny í Grótunum heldur, at hetta er ikki nóg gott og tekur í egnan barm.