Trygdin hevur ikki altíð verið í lagi á deildini

Eftir at hava tvíhildið um, at alt var í lagi, taka tey nú í egnan barm. Týsdagin varð ein virkandi deildarljósmóður sett til burturav at tryggja, at trygdin á føðideildini er í lagi.

Tílíkar hendingar hava elvt til, at Henrik L. Hansen, landslækni, hevur sent ein fyrispurning til Landssjúkrahúsið, har hann vil hava at vita um trygdin á føðideildini í lagi. Hann krevur, at serfrøðin innan øll øki á føðideildini svara fyri seg.

Hann vil í dag ikki svara, um trygdin er í lagi, men vísir til fyrispurningin, hann hevur sent Landssjúkrahúsinum.

Hetta er ikki nakað Naina Túgvustein, varaleiðari, stúrir fyri. Hon sigur, at hóast umstøðurnar ikki hava verið nøktandi, hevur fakligheitin allatíðina verið í lagi.

Nú hava tey sett eina virkandi deildarljósmóður, sum skal burtur av tryggja, at allir avloysarar fáa kunning um praktisku viðurskiftini á deildini.

GG: Yvirskriftin á hesi grein varð kærd til fjølmiðlanevndina. Fjølmiðlakærunevndin gav tann 14. marts 2018 kærara lutvíst viðhald í, at yvirskriftin ikki er nøktandi.

Tú kanst lesa um niðurstøðuna hjá fjølmiðlakærunevndini her.