Sernám skal hava nýggjan stjóra sum skjótast

Hóast fyribilsleiðsla er sett til nýggjárs, verður nú søkt eftir stjóra til Sernáms at taka við 1.november ella skjótast gjørligt.

Umsóknarfreistin er bara tvær vikur. Hon er til 19.oktober, stendur í lýsingini hjá Mentamálaráðnum.  

Mentamálaráðið sigur, at hetta er áhugavert starv við nógvum spennandi avbjóðingum hjá teimum, sum brenna fyri sernámsfrøðiliga økinum og vilja slóða fyri góðum læri- og menningarmøguleikum hjá børnum og ungum við serligum tørvi.  

Annars er ein fyribils leiðsla sett at stýra Sernámi hetta árið.

Magnus Tausen er settur sum fyribils leiðari, Frida Poulsen sum fakligur leiðari og Anna Kass sum fíggjarleiðari í Sernámi.

35 fólk arbeiða í Sernámi, sum hevur ábyrgdina av at samskipa sernámsfrøðiligt virksemi og ráðgeva stovnum, skúlum og øðrum um børn og ung.