Høgni Mohr spillnakin

Í nýggju bók síni, Fractura Nasi, súkklar Høgni Mohr í øllum 18 oyggjunum gjøgnum allar býir og allar bygdir landsins.

Bókin er ein ferðafrásøgn, men hon er eisini ein djúp, bersøgin og nemandi ferð inn í hansara egna lív og upphav. Og hann er rættiliga opinskáraður um seg sjálvan, sínar fyrrverandi starvsfelagar og síni nærmastu.

- Tá man ikki hevur nakran at tosa við um hesi viðurskiftini, so er tað lættari at tosa við øll, sigur Høgni Mohr, rithøvundur, sum letur seg úr øllum í nýggju bók síni.

Nón hitti Høgna Mohr í Tjørnuvík, har stórur partur av bókini er skrivaður.