Sera torført at fáa semjur um svartkjaft og sild

Er trupult at finna semju millum strandarlondini um svartkjaftin er upp aftur verri at fáa semju um norðhavssildina.

Samráðingarnar um tey bæði fiskasløgini eru sera truplar, men roynt verður aftur í næstu viku.

Tað er umráðandi, at allir flokkar eru samdir um tað, sum føroyingar krevja og áseta sær sum kvotu, segði Høgni Hoydal, landsstýrismaður, tá hann í gjár svaraði einum munnligum fyrispurningi frá Jacob Vestergaard, løgtingsmanni, um samráðingarnar millum strandarlondini um uppsjóvarfisk.  

Allir flokkar uttan Framsókn og Miðflokkurin hava fólk í Uttanlandsnevndini.