Jólaódnin í fjør breyt nógv meira enn tann í gjár

Tryggingarfeløgini hava higartil fingið okkurt um hálvtannaðhundrað fráboðanir um skaðar eftir illveðrið í gjár. 

Skaðarnir í ódnarveðrinum hesa ferð eru tó verri enn so eins nógvir og ringir sum í ódnini jóladag í fjør.

Higartil hevur Betri trygging fingið færri fráboðanir enn hundrað.

Í gjár boðaðu 70 fólk frá skaðum. Og nakrar fráboðanir eru komnar afturat fyrrapartin.

Hjá Trygd er søgan tann sama.

Janus Thomsen, stjóri, sigur, at tey hava higartil fingið hálvthundrað fráboðanir. 

Yvirhøvur er ikki talan um stórar skaðar.

Janus Thomsen sigur, at skaðatalið er langt frá tí, sum tað var eftir jólaódnina í fjør.