Mistak at kommunan í Kunoy ikki varð kunnað

Tað er eitt mistak at Kunoyar kommuna ikki er kunnað um viðurskiftini á nýggju smoltstøðini hjá Bakkafrosti á Strond í Klaksvík.

Tí hevur Bakkafrost boðið Kunoyar kommunu til kunning um ætlanina.

Kommunan kært umhvørvisgóðkenning hjá Bakkafrost

Kunoyar kommuna hevur kært umhvørvisgóðkenningina sum Bakkafrost hevur fingið á Strond, tí góðkenningin er ikki nóg ítøkilig, sigur Kunoyar kommuna.

Bakkafrost hevur lovað myndugleikunum, at felagið í seinast lagi 1. apríl hevur eina ætlan klára um, tað sum rennur frá nýggju smoltstøðini á Strond, sigur Regin Jacobsen:

Tað hevur skund hjá Bakkafrost at fáa øll viðurskifti í rættlag, tí arbeiðið at gera nýggju smoltstøðina er komið undir land, sigur Regin Jacobsen.

Hoyr samrøðu við Regin Jacobsen, stjóra á Bakkafrost, í brotinum omanfyri.

Mistak

Allir aðrir myndugleikar eru kunnaðir og kenna til ætlanina, sigur Regin Jacobsen, stjóri í Bakkafrosti. 

Fimm milliónir smolt skulu vera á nýggju smoltstøðini á Strond, og tey skulu alast har, til tey viga 500 gram. Limirnir í Kunoyar kommunu verða kunnaðir um ætlanina so skjótt sum til ber, sigur stjórin í Bakkafrosti.