- Tíðindi, mentan og ítróttur
Bara ein festari boðin á ástaðarfund
![](https://kvf.fo/sites/default/files/styles/news_xtra_xtra_large/public/koks_frammi_vid_gjonna.jpg?itok=7xnpWOQQ)
Teir hava hava hagapartar í økinum, har matstovan skal verða. Men Poul Adrian í Homrum og Erik Heinesen vóru ikki hoyringarpartar á ástaðarfundinum, ið Yvirfriðingarnevndin helt í sambandi við matstovuætlanina hjá KOKS Frammi við Gjónna.
Tríggir festarar eru við Leynavatn Kollfarðamegin. Á ástaðarfundinum, sum Yvirfriðingarnevndin helt herfyri, var bert ein av teimum innkallaður saman við Búnaðarstovuni, har høvi varð at siga sína meining um ætlanirnar hjá KOKS at hava matstovu í húsinum hjá Betri Frammi við Gjónna.
Eitt mistak
Poul Adrian í Homrum, ið umsitur Hamrahaga, har sandurin gongur ígjøgnum, varð ikki innkallaður. Sjálvur metir hann, at hann átti eitt pláss á fundinum.
Erik Heinesen, sum umsitur Leynahaga frammanfyri húsini, har vegurin niðan til húsini fer í gjøgnum, metti seg eisini eiga ein sess á fundinum.
Metir ikki ætlanirnar hava negativ árin
Tróndur Leivsson, stjóri á Búnaðarstovuni, sigur, at tað var ein feilur, at teir ikki vóru við, men at teir fáa møguleikan nú.
Tróndur Leivsson sigur, at ferðslan á sandinum, ið er økið hjá Poul Adrian í Homrum, allarhelst ikki økist meir, enn hon longu er nú, men at tað sakar einki, at eisini hann sleppur framat at siga sína hugsan.
Tó er hann ikki bangin fyri, at tað fer at hava stór árin á náttúruna, tá matstovan flytir inn, tí har eru longu nógvir bilar frammanundan. Samstundis hevur KOKS lagt fram, at tað verður til dømis ikki loyvi at koma til við privatbilum, og tí verður ferðslan skipað betur, enn hon er nú.
Hoyr innslagið omanfyri.
Tak niður