Eingin annar fekk møguleika at keypa

- Rúni Vang Poulsen varð settur uttanfyri hurðina, og so tryggjaðu vit okkum ein góðan prís, sigur Stine Bosse, forkvinna í nevndini fyri BankNordik. 

Nevndarforkvinnan í BankNordik tekur also tvey atlit, tá tað gerst greitt, at næstformaðurin Rúni Vang Poulsen vegna Smyril Line vil keypa jørð frá bankanum.

Settur uttanfyri hurðina

Rúni Vang Poulsen verður settur uttanfyri hurðina, meðan málið verður viðgjørt. Og bankin má tryggja sær rætta marknaðarprísin fyri lendið.

Men umleið 7000 fermetra stóra stykkið - mitt í Havn - verður tó ongantíð lýst alment til sølu.

LES EISINI: Dupultleiklut í sølu av jørð frá Bank Nordik

Stine Bosse tekur also fyri givið, at vóru aðrir møguligir keyparar, so hevði forstjóri bankans, Árni Ellefsen, vitað um teir - og so hevði nevndin frætt tað tann vegin.

Fyrsta mars boðaði BankNordik keypsskálanum frá, at bankin hevði selt sítt høvuðssæti fyri 140 milliónir krónur. 

Men eingin almenn fráboðan er komin um, at bankin hevur selt burturav sínum ognum til Smyril Line. Og prísurin - ja, hann er framhaldandi loyniligur.

Hoyr innslagið omanfyri.