Gjørdi tilmæli um starv og fekk starvið sjálvur

05.04.2018 - 12:27
Innlendis›Vinna
Gjørdi tilmæli um starv og fekk starvið sjálvur
- Alt er farið rætt fram í sambandi við setanina, men eg skilji væl at summi undrast, sigur Herálvur Joensen, aðalstjóri

Fulltrúi í uttanríkis- og vinnumálaráðnum er settur sum leiðari á nýstovnaðu menningardeildini undir Visit Faroe Islands. Eitt starv, ið hann sum embætismaður sjálvur gjørdi tilmæli um at seta á stovn.

Í januar 2016 setti landsstýrismaðurin í uttanríkis- og vinnumálum ein arbeiðsbólk, sum skuldi orða eina virkisætlan fyri at menna ferðavinnuna í Føroyum. Heilt ítøkiliga skuldi hesin arbeiðsbólkurin koma við tilmælum um, hvussu ferðavinnan her heima skuldi skipast. 

Mæltu til menningardeild

Uttanríkis- og vinnumálaráðið setti Jóhan Paula Helgason úr Vinnumálaráðnum og Gunnvør Balle úr Uttanríkismálaráðnum í arbeiðsbólkin. Og umframt tey bæði vóru fýra onnur sett í arbeiðsbólkin. 

Næstan hálvtannað ár seinni varð arbeiðsbólkurin liðugur við arbeiðið, og ein heildarætlan varð løgd fram.

Eitt av mongu tilmælunum, sum hesin arbeiðsbólkurin kom við, var, at ein nýggj menningardeild skuldi setast á stovn. Og 19. januar í ár søkti Visit Faroe Islands eftir tveimum fólkum til hesa nýggju deildina. 

Mældi til, søkti og fekk starvið

Útvið 100 umsóknir komu inn til tey bæði størvini. Og annað starvið fekk Jóhan Pauli Helgason.  

Jóhan Pauli Helgason fær sostatt eitt starv á eini nýggjari deild, sum hann sjálvur hevur mælt til, verður sett á stovn. 

Men alt er farið rætt fram. Tað sigur Herálvur Joensen, aðalstjóri í Uttanríkis- og vinnumálaráðnum, sum varðar av Visit Faroe Islands.

Hoyr innslagið omanfyri.

 
Er kopiera

Sí eisini

Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214