Seinasta summar uttan avloysaraskip

"Miðað verður eftir, at hetta skal verða seinasta summarið, har Strandfaraskip Landsins ikki hevur eitt hóskandi avloysaraskip". 

Tað sigur Aksel V. Johannesen, løgmaður, nú nólsoyingar og fólk av útoyggj fríggjadagin mótmæltu at onki avloysaraskip er funnið enn, og kravdu at strandferðslan verður raðfest hægri. 

Aksel V. Johannesen sigur eisini, at arbeitt verður við at kanna, um til ber at broyta prísskipanina fyri ferðaseðlar, soleiðis at serliga útlendingar rinda meira fyri ferðaseðlarnar, enn tey sum búgva fast á oyggjunum. Hetta arbeiðið verður væntandi liðugt aftaná Ólavsøku.