- Tíðindi, mentan og ítróttur
Eingin stjórnarskipan í hesari tingsetuni
20.06.2018 - 12:43
Innlendis›Politikkur
Eingin stjórnarskipan í hesari tingsetuni
Uppskotið hjá løgmanni kemur ikki aftur úr grein 25 nevndini fyri ólavsøku, sigur Bill Justinussen, næstformaður í nevndini
Grein 25 nevndin, sum viðger uppskotið hjá løgmanni um stjórnarskipan, kemur ikki við nøkrum áliti fyri ólavsøku.
Meiriluti fæst ikki í nevndini fyri at skriva álitið.
Tað sigur Bill Justinussen í Miðflokkinum. Hann er næstformaður í grein 25 nevndini.
Hann sigur, at semja er als ikki í nevndini um stjórnarskipanina, sum eisini varð løgd fram, uttan at semja var um uppskotið.
Bæði uppskot og nevnd detta burtur, tá nýggj tingseta byrjar ólavsøkudag.
Men uppskotið kann sjálvandi leggjast fram aftur, og nevndin kann veljast av nýggjum.
Grein 25 nevndin hevur havt 15 fundir um uppskotið um stjórnarskipan.
Samgongan hevur fimm fólk í grein 25 nevndini, og so er Sonja Jógvansdóttir afturat.
Tak niður
Sí eisini
Nýggjastu sendingar í ÚV
Nýggjastu sendingar í SV