Av stórum týdningi at vit royna slík mál

Fíggjarligt støðufesti fekk bert lutvíst viðhald í einum av seks viðurskiftum móti leiðsluni í danska EIK-banka, tá dómur fall í síðstu viku. Og tað, sum skuldi vera eitt endurgjald uppá fjórðingsmilliard, tódnaði við dóninum niður í 28 milliónir.

Men tað er av stórum týdningi, at slík mál verða roynd í rættinum.

Tað sigur Lars Krull, serfrøðingur í leiðslu- og handilsløgfrøði.

Verða málini roynd í rættinum, skilja vit betur hvat er hent og kunnu gera okkum tanker um, hvat vit vilja góðtaka. Og lógin er herd síðani 2010. Eitt nú ber til at meta eina banka leiðslu verða óegnaða ella ikki "fit and proper" til at reka fíggjarligt virksemi, sigur Lars Krull. 

Hann hevur fylgt málinum um danska EIK-banka, og hann heldur, at Eik-leiðslan hevði verið dømd, um núverandi reglur fyri fíggjarligt virksemi vóru galdandi, tá danski Eik-banki varð stýrdur um koll í 2010.

Tú kanst lurta eftir samrøðuni við Lars Krull við at trýsta á myndina omanfyri.

Henrik Bjerre-Nielsen, stjóri í Fíggjarligum Støðufesti sigur, at tey umhugsa, um tey skulu royna at kæra dómin til Hægstarætt, og harumframt viðgera tey, um hesin dómurin fær avleiðingar fyri rættarmálið móti føroyska Eik Banka og øðrum málum um ábyrgd, sum tey hava ætlanir um.

Evstamark at taka støðu til, um dómurin skal kærast er 23. november.