Ljósmøðrafelagið: Øll undantøk verða tikin aftur

Ljósmøðrafelagið tekur avleiðingarnar beinanvegin, nú seinasta semingsroyndin við Lønardeildina hjá Fíggjarmálaráðnum eisini endaði úrslitaleys.

-Øll undantøk verða tikin aftur frá leygardegnum klokkan 15, sigur Annika Hoydal, forkvinna í felagnum.

Sambært Anniku Hoydal eru tað "nakrir túsundkrónuseðlar", sum skilja partarnar.

Í dag eru 14 dagar síðani føðideildin á Landssjúkrahúsinum var rakt av verkfallinum.

Ljósmøðrafelagið vil ikki taka ábyrgd av støðuni á føðideildini, nú seinstu undantøkini verða tikin aftur.

Hoyr samrøðu við Anniku Hoydal við at trýsta á pílin undir myndini.