- Tíðindi, mentan og ítróttur
Vænta seks milliónir at koma inn
At byrja við sá út sum tað ikki fór at rigga, men nú eru pengar byrjaðir at koma inn. Tað sigur Søren Bruhn, stjóri í Suðuroyar Sparikassa, um nýggja mátan at endurfíggja lán hjá Vágs kommunu.
Leisturin, ið verður roynd eitur Crowdfunding ella hópfígging, har øll hava møguleika at verða við og seta pening í.
Hetta er fyrstu ferð, at leisturin við hópfígging verður royndur við tí endamáli at umfíggja eitt lán hjá eini kommunu. Inni á heimasíðuni flexfunding.fo, kunnu øll skráseta seg og flyta pening inn á eina konto, ið fer til at umfíggja eitt lán hjá Vágs kommunu áljóðandi 29 milliónir.
Tað, ið ikki kemur inn við hópfíggingar-leistinum, fíggjar Suðuroyar Sparikassi.
Vágs kommuna rindar eina rentu á 0.6 prosent á láninum og lánsveitarar fáa eina garateraða rentu á 0.45 prosent í trý ár av veittu lánsupphæddin. Restin, 0.15 prosent, fer til Suðuroyar Sparikassa fyri ómakin.
Søren Bruhn sigur, at tá freistin er farin at verða við, vænta tey at umleiðs seks milliónir eru komnar inn umvegis hópfígging. Freistin at verða við er komandi fríggjadag.
Tak niður