Trætan um uppboðssøluavgjøld parkerað

Trætumálið um gjøldini, sum reiðarar rinda, tá teir keypa kvotur á uppboðssølu hjá landinum, er loyvdur frádráttur ella ikki, er fyribils tikið aftur úr Fasta Gerðarrættinum.

Trætan snýr seg um, hvørt skipari og manning skulu rinda part av gjøldunum fyri kvoturnar, sum eru keyptar á uppboðssølu hjá landinum ella ikki.

Annfinnur Garðalíð, formaður í Skipara og Navigatørfelagnum sigur, at orsøkin til, at málið fyribils er tikið aftur, er at sáttmálasamráðingar eru í gongd millum manningarfeløgini og Reiðarafelagið.

Partarnir eru samdir um at parkera málið, sigur hann.