Tilmælið um menningarkvotur í ár er handað

Fiskimálaráðið fekk mánadagin handað tilmæli um menningarkvotur. Tilsamans 11.711 tons av svartkjafti, 3.159 tons av makreli og 4.695 tons av norðhavssild verða latin sum menningarkvota í ár. 

37 hava søkt um menningarkvotu ár. 

Nøgdirnar, sum søkjast kundi um hesaferð, eru munandi minni enn menningarkvoturnar fyri í fjør.

Størsti parturin av menningarkvotuni fyri í fjør als ikki fiskaður.

Ein høvuðsorsøk til at menningarkvoturnar í ár eru munandi minni enn kvoturnar fyri í fjør er, at í fjør vórðu tríggjar menningarætlanir latnar fyri fýra ár og ein fyri tvey ár. Hesi skulu tí hava burturav samlaðu nøgdini í ár.

Treytirnar, sum metingarnevndin arbeiddi út frá, eru at kalla tær somu í ár sum í fjør.

Nýggjur setningur í kunngerðini er, at nú stendur at "tá mett verður um økisrættarligu ávirkanina av menningarætlanini, skal størstur dentur leggjast á demografisku avbjóðingarnar í økinum".