Rannvá vil liva av at dansa

Dansur fyllir nógv í bæði hugaheiminum og dagligdegnum hjá Rannvá Guðrunardóttir Niclasen.

Hon byrjar nú á fjórða árið á dansiskúla í New York.

Í summarfrítíðini hevur hon undirvíst og dansað í Svøríki.

Hon kom aftur í gjár.

Og í morgun var hon longu í gongd aftur at undirvísa ungar kvinnar til Dansieksperimentið.

Og fyri at tað ikki skal vera nóg mikið, so fer hon at hava eitt dansiskeið í modernaðum dansi á háskúlanum í Havn í kvøld kl. 20.30.