Vit heiðra fólk, men fagna teimum

02.01.2020 - 11:58
Mentan
Vit heiðra fólk, men fagna teimum
At heiðra er eitt sagnorð, sum bara stýrir hvønnfalli, og tí heiðra vit fólk - ikki fólki. Men vit kunnu fagna fólki fyri heiðurin
Tilvildarlig mynd

At fagna, heiðra, lova, prísa, rósa, virða, æra ...

Hóast hesi orðini minna um hvørt annað, so taka summi teirra hvønnfall og summi hvørjumfall.

  • Vit heiðra, virða og æra hann og hana (hvønnfall).
  • Vit fagna, lova, prísa og rósa henni og honum (hvørjumfall).

Tað er serliga orðið, heiðra, sum ofta verður brúkt við hvørjumfalli í staðin fyri hvønnfalli:

Vit heiðra tey fólkini, sum hava útinnt okkurt bragd; ikki teimum fólkunum.

Men vit kunnu fagna teimum fólkunum, sum hava heiður uppibornan. 

Heiður er eintalsorð

Orðið heiður er bara til í eintali.

Tað ber tískil ikki til at tosa um fleiri heiðrar.

'Ársins ítróttaheiðrar' hjá ÍSF skuldi heldur itið 'ársins ítróttaheiður' ella 'ítróttafagnan' - eisini hóast tey eru fleiri, sum fáa eina viðurkenning.

Og í staðin fyri at siga: 'Heiðrarnir, ið verða latnir, eru:' ber til at siga soleiðis: 'Hesi verða heiðrað:'

 
Er kopiera

Tak niður

Nýggjastu sendingar í ÚV
Nýggjastu sendingar í SV
Mikudag 6. desember
Úr savninum: Haruveiða í felag
135726
Týsdag 5. desember
Veðrið
166965
Sunnudag 3. desember
Møti úr Ebenezer
166844