Bernie Sanders fremstur eftir New Hampshire

Bernie Sanders gjørdist sigursharrin á undanvalinum hjá Demokratiska flokkinum í New Hampshire, lítla statinum í landnyrðingspartinum av USA, týsdagin.

78 ára gamli senatorurin í Vermont fekk 26 prosent av atkvøðunum, meðan Pete Buttigieg fekk 24,4 prosent.

Eins og í Iowa var stóri taparin fyrrverandi varaforsetin, Joe Biden, sum gjørdist nummar fimm við góðum átta prosentum. 

Eftir úrslitini í Iowa og New Hampshire verður Bernie Sanders nú av mongum mettur at verða favorittur at gerast forsetavalevni hjá demokratunum. 

Komandi undanvalini í Nevada og South Carolina fara at avgera, um royndin hjá Joe Biden at gerast demokratiskt forsetavalevni framvegis er lív laga, sigur Regin Winther Poulsen, sum lesur politiskan journalistikk á Columbia University í New York