Bakkafrost mist atgongd til Kina og Russlands

Bakkafrost hevur seinastu tvær vikurnar mist atgongdina til tveir av stóru marknaðunum hjá fyritøkuni.

Corona-smittan hevur við sær, at kinesiski marknaðurin er stongdur. Og síðani 10. februar hevur Bakkafrost ikki kunnað útflutt laks til russiska marknaðin, tí heilsufrøðiligu myndugleikarnir í Russlandi hava sett føroysku alifyritøkuna á reyðalista.

Regin Jacobsen, stjóri í Bakkafrosti, sigur, at hetta hevur ikki so stóra ávirkan, tí tað ber til at selja til aðrar marknaðir.