Corona útsetir heimsins størstu barnabókamessu

Heimsins størsta barnabókamessa, Bologna Childrens Book Fair, sum eftir ætlan skuldi verða í italska býnum, Bologna, síðst í mars mánaði, er útsett til fyrst í mai.

Orsøkin er heimsfarsóttin, COVID-19, sum nú eisini ger um seg í Italia. 

Bókadeildin hjá Føroya Lærarafelag skuldi á messuna við nýggjastu føroysku bókunum. 

Bókadeildin hevur verið umboðað á messuni í fleiri ár.

Niels Jákup Thomsen, stjóri á Bókadeild Føroya Lærarafelags, skilir fullvæl avgerðina hjá fyrireikarunum.