Avbyrging er partur av tilbúgvingini

At fólk, sum hava verið í sambandi við smittaða mannin, verða avbyrgd á Hotel Vágum, er ein partur av tilbúgvingini, nú corona-smittan er staðfest í Føroyum.

Tað sigur Kaj Leo Holm Johannesen, landsstýrismaður í heilsumálum.

Landslæknin hevur mett, at hetta er ein góð loysn, og hon verður væntandi útbygd, sigur landsstýrismaðurin.

Seinnapartin eru sjey fólk farin á Hotel Vágar, har tey verða avbyrgd næstu dagarnar.

Hoyr samrøðu, sum Sigrún H. Brend gjørdi við Kaj Leo Holm Johannesen í útvarpstíðindunum.