Landslæknin setir seg í samband við ferðafólk

Í gjárkvøldið varð ein tilburður aftrat av COVID-19 staðfestur í Føroyum. Talan var um eitt ferðafólk, sum kom við seinasta flogfari í Vágar mánakvøldið 9. mars.

Í hesi løtu sita fólk hjá landslæknanum og ringja til ferðafólk, sum vóru við hesum flogfari hjá Atlantic Airways úr Kastrup til Føroya.

Nøkur teirra skulu í sóttarhald, nú staðfest er, at eitt av ferðafólkum hevur COVID-19.

Lars Fodgaard Møller, landslækni, sigur, at embætið setur seg í samband við ferðafólkini.