Hava tamarhald á sjúkuni

bannari
05.04.2020 - 14:40
InnlendisHeilsa
Hava tamarhald á sjúkuni
Um neyðug atlit verða tikin, so ber til at byrja at lata partar av samfelagnum uppaftur, sigur Lars Fodgaard Møller, landslækni
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Vit kenna smittuketurnar, sigur Lars Fodgaard Møller, landslækni

Avmarkaða talið av nýggjum sjúkum síðstu vikuna bendir á, at tamarhald er á Korona-sjúkuni. Tað sigur Lars Fodgaard Møller, landslænki, nú eingin persónur er smittaður síðstu døgnið.

- Vit halda í løtuni, at tamarhald er á støðuni. Vit kenna ikki til nøkur myrkatøl, og vit hava ongar nýggjar tilburðir, sum koma óvart á okkum. Talan er alt um fólk, ið vit hava á ein ellan annan hátt vita hvussu tey eru smittað. So vit kenna smittuketurnar, sigur Lars Fodgaard Møller, landslækni.

Og tað, at heilsumyndugleikarnir kenna smittuketurnar, er ein ábending um, at tað møguliga hevur eydnast at steðga farsóttini, ið byrjaði at gera um seg her á landi fyri nøkrum vikum síðan, sigur landslæknin.

- Tað vísir í øllum førum, at eingin aktiv smittuspjaðing er í føroyskum samfelagnum í løtuni. Kanska er farsóttin, ið vit høvdu miðskeiðis í mars, um at doyggja, sigur Lars Fodgaard Møller.

Landsstýrið skal í vikuni taka støðu til, um tíðin er búgvin at lata partar av samfelagnum upp aftur. Og sambært landslæknanum eru fortreytirnar til staðar, men mælir hann kortini til varsemi.

- Í løtuni eru umstøðurnar fyri tí, tí so fá nýggj verða smittað. Síðstu seks dagarnar hevur tað í mesta lagi verið fýra nýggj smittaði innan eitt døgn. So beint nú er møguleiki fyri at lata upp í samfelagnum, men tað má gerast spakuligt, so vit kunnu fylgja gongdini. Tí fylgjurnar av at lata samfelagið upp síggja vit fyrsr um átta dagar. Tað er fyrst tá vit síggja, um tað verða fleiri smittaði, sigur landslæknin.

 
Er kopiera

Sí eisini

Nýggjastu sendingar í ÚV
Mikudag 30. juli
Morgunlestur mikudagur 30. juli 2025
194901
Týsdag 29. juli
Ringreiðin
195039
Týsdag 29. juli
Ólavsøka í Studio 4
195035
Nýggjastu sendingar í SV
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018