Myndir í eitt mannaminni

Alan Brockie hevur tikið myndir í eitt mannaminni. Sum fotografur er hann sjálvlærdur. Áhugan fekk hann fra pápa sínum, sum tók myndir fyri bretska herin undir seinna heimskríggi. Fyrst í 60'unum lænti Alan myndatólið frá pápa sínum. Seinni keypti hann sær sítt egna Nikon F myndatól. Serliga er tað dokumentarmyndir, sum hugtaka. Myndirnar skulu siga okkurt, hava okkurt serligt óvæntað frábrigdi fyri at vera áhugaverdar, heldur Alan. Tað er ikki so lítið, sum liggur eftir Alan Brockie. Flestu myndirnar eru ikki enn útgivnar og liggja heima hjá Allani í negativformi. Hoyr útvarpsprátið her

Nakrar myndir, Sum Alan hevur tikið:

Børn spæla í nótarúgvu í Norðagøtu í 1978

Harkaliðið á Kongabrúnni fyrst í 90'unum

Símin Fredriksen bóndi í Múla 1977

Fyrsta veruliga mynd, sum Alan tók. Vágsbotnur 1961

Aðalfundur hjá felagnum Føroyskir Yrkisfotografar. Frá vinstru aftast: Jørgen Lutzen, Bambus, Alan Brockie, Judith Johannesen, Kalmar Lindenskov og Per á Hædd. Sitandi fremst: Ellen Dahl. Aðalfundurin var í 1982 hjá Ellen Dahl í Vági