Allir róðrarnir vera sum ætlað

Róðrarnir vera á stevnunum, sum teir upprunaliga skuldu vera. Men hetta verður ikki gjørt uttan broytingar.

- Talan er um eina semju, sum Róðrarsambandið og umboð fyri øll feløgini, sum møttu á fundinum, at hetta er mátin, vit kunnu gera tað uppá. Men broytast tilmælini, so laga vit okkum eftir tí, sigur Annika Dalsgarð, forkvinna í Róðrarsambandi Føroya.

Eingir áskoðarar sleppa til róðrarnar, so leingi tilmælini siga tað.

Somuleiðis sleppur bara ein riðil á økið í senn, og tí kemur tað at taka longri tíð at avgreiða róðrarnar.

Ymiskt er, hvussu støðini eru kring landið, og tí koma broytingar at vera frá stevnu til stevnu.