Vil hava eftirlit við festum

Eftirlit eigur og skal vera við festum, serliga tá tey skifta eigara.

Tað heldur Heðin Mortensen, løgtingsmaður fyri Javnaðarflokkin.

Hann hevur sett Helga Abrahamsen, landsstýrismanni, ein fyrispurning í málinum.

Heðin Mortensen vil millum annað hava at vita, um landsstýrismaðurin heldur tað vera nøktandi, at Búnaðarstovan sigur, at lóg, reglur og játtan ikki eru til taks at hava nøktandi eftirlit við festum og seyðahaldi.