Havnir eiga at tryggja, at sjúka ikki er umborð

Havnir, ið taka ímóti skipum, eiga at tryggja sær, at manningin umborð ikki er sjúk.

Tað sigur Annfinnur Garðalíð, formaður í Skipara- og Navigatørfelagnum.

Leygardagin fór russiski trolarin Karelia aftur til fiskiskap, hóast tað varð staðfest, at 23 av manningini vóru smittaðir av koronu.

Annfinnur Garðalíð sigur, at manningar kring allan heim, eisini føroyingar, eru múlabundnar umborð.