Rakar eisini føroyska arbeiðsmegi í Noregi

Nú Noreg hevur bólkað Føroyar sum reyðar, ávirkar tað fleiri føroyingar, sum arbeiða í Noregi.

Pam Offshore hevur í løtuni 80 føroyingar, sum regluliga arbeiða í Noregi, men ivasamt er, um teir sleppa at halda fram.

- Fyritreytirnar eru broyttar, og vit vita ikki enn, hvussu tað fer at ávirka okkum, sigur Mouritz Mohr, stjóri í Pam Offshore.

Minkaði niður í einki

Tá ið koronukreppan rakti í vár, arbeiddu umleið 100 mans hjá Pam Offshore í Noregi. Eftir heilt fáum døgum minkaði tað niður í einki, og virksemið steðgaði.

- Síðani í vár hava vit arbeitt okkum upp aftur, men nú er ivasamt, hvussu tað verður, sigur Mouritz Mohr.

Fleiri føroyskir sjómenn sigla í Noregi, men teir sleppa kanska eitt sindur lættari.

Hoyr Jens Meinhard Rasmussen, stjóra í Skansa Offshore, sum hevur 120 sjófólk í Noregi.