Kommunur krevja at sleppa upp í arbeiðið

Kommunufelagið og SEV høvu boðið øllum borgarstjórunum á fundin.

Niðurstøðan er, at kommunurnar góðtaka ikki, at arbeiðið at liða SEV sundur verður gjørt í loyndum uttan um serfrøðina, sum SEV hevur bygt upp í 75 ár.

Kommunurnar krevja, at serfrøðin hjá SEV sleppur at vera við í arbeiðnum at lýsa og greina avleiðingarnar, sum uppskotið hjá Helga Abrahamsen, landsstýrismanni, fær fyri samfelagið.

Hoyr Dennis Holm, formann í Kommunufelagnum, í útvarpstíðindunum.