Pengar til yngri læknar heldur enn sendistovu

Tær 1,6 milliónir krónurnar, sum eru játtaðar til at lata sendistovu upp í Ísrael, skulu heldur brúkast til løna yngri læknum, soleiðis at teir kunnu virka í føroyska sjúkrahúsverkinum.

Tað heldur Javnaðarflokkurin, sum hevur lagt fram uppskot um eykajáttan.

Tað er størri tørvur á læknum í heilsuverkinum, enn einari sendistovu í Ísrael, sigur Aksel V. Johannesen, formaður í Javnaðarflokkinum.

Eftir fyrstu viðgerð fyrrapartin varð uppskotið beint í fíggjarnevndina hjá løgtinginum.