Tí ella ta taskuna

Fleiri og fleiri siga, 'eg sá tí gentuna', 'tí lampuna' ella 'tí taskuna'.

Hetta er misskiljing. Orðið, tí, er hvørjumfall av kenniorðinum, tað. Og orðið, tað, hevur onki ð, tá tað stendur framman fyri einum kvennkynsorði.

Tað kann ørkymla, men Elin Henriksen hevur eina tummilsreglu, sum ger tað lættari at minnast til.

- Brúkar tú tí, endar kvennkynsorðið við -i, og brúkar tú ta, endar kvennkynsorðið við -a, sigur hon.

Dømi:
Hon fór avstað við tí taskuni. 
Mær dámar betur ta taskuna, sum hon fór avstað við.

Mær dámar best ljósið frá tí lampuni.
Eg sá ta lampuna.

Eg sá ta gentuna.
Men eg møtti tí gentuni.