- Tíðindi, mentan og ítróttur
Politikarar og vinnulívsfólk skrásett í Kina
164 føroyingar eru skrásettir í kinesiska dátugrunninum, sum eitur Overseas Key Information Database.
Tað er kinesiska KT fyritøkan, Zhenzhua, sum hevur savnað tilfarið í dátugrunnin.
Kringvarpið hevur sæð listan av føroyingum, sum eru skrásettir í dátugrunninum.
Eisini familjulimir
Millum teirra, sum eru á listanum, eru politikarar og vinnulívsfólk, men fyri tað mesta eru tað familjulimir ella fólk við tilknýti til politikarar, sum fylla meginpartin av listanum.
Fólkini á listanum eru bólkað í tvey. Í øðrum bólkinum eru tey, sum eru í ætt við, ella hava tilknýti til áhugaverdan persón, meðan hin er um fólk við politiskum tilknýti.
Flemming Splidsboel Hansen, serfrøðingur, heldur, at upplýsingarnar kunnu brúkast at sníkja seg inn á teldur hjá óvitandi fólki.
Listin er gjørdur á sumri í 2018, og dagførdur um heystið sama árið, og tí endurspeglar hann í stóran mun viðurskifti kring undanfarnu samgongu.
Tað eru í høvuðsheitum upplýsingar sum liggja alment á alnótini, sum eru settar saman, eitt nú á facebook, instagram, linked-in, men eisini politiskt tilknýti og aðrir møguligir persónligir upplýsingar.
Trýsta fólk
- Upplýsingarnar kunnu nýtast til at trýsta fólk og at hakka seg inn á teldur hjá óvitandi fólki. Tað sigur Flemming Splidsboel Hansen, serfrøðingur og granskari í uttanríkispolitikki, um stóra dátugrunnin við nøvnum sum er komin undan kavi.
Hoyr samrøðu við Flemming Splidsboel Hansen í útvarpstíðindunum.
Tak niður