Múlafossur, Tinganes, Norðradalur og Tjørnuvík.

Hetta eru nøkur av støðunum, sum teir báðir Føroyavinirnir, Jobbe og Hans Pilgaard, hava valt at avmynda og selja sum plakatir við stuttum teksti á.

Teir ferðast javnan í Føroyum, og serliga Jobbe Pilgaard dámar væl at taka myndir, tá teir eru úti í føroysku náttúruni.

- Tað byrjaði við, at Hans skrivaði ein stuttan tekst til myndirnar, og so gjørdu vit eina roynd við at gera tað til plakatir. Okkum dámdi tað væl, og eisini vinfólkunum dámdi tað, so tí hugsaðu vit at gera plakatir, sum fólk kunnu ogna sær, fortelur Jobbe Pilgaard.

Í morgunsendingini greiddu Jobbe og Hans Pilgaard frá hugskotinum at gera plakatir við myndum úr Føroyum.