Krabbameinsfelagið varpar á hvørjum ári ljós á bróstkrabba og í ár er einki undantak. Endamálið er at minna fólk á týdningin at kenna egin bróst og at merkja eftir, um tað fara broytingar fram. Skjótari ein varnast broytingar og fer til lækna, størri eru sannlíkindini fyri, at ein kemur væl gjøgnum sjúkuna. 

Í ár hevur Krabbameinsfelagið valt at samstarva við Shisa Brand, sum hevur sniðgivið einar oyralokkar og eina tasku til høvið.

Innkomnu pengarnir fyri søluna fara til Bót til Bata, sum er ein bólkur fyri kvinnur, sum hava- ella hava havt bróstkrabba.

Hoyr Susanne Joensen frá Bót til Bata og Sissal Kristiansen, sniðgeva, greiða frá.