Føroysk veðurstova setast á stovn

Nú verður ein føroysk veðurstova veruleiki.

Tað vónar í øllum førum Jacob Vestergaard, landsstýrismaður í fiskivinnumálum, sum varðar av økinum.

Játtanin til veðurtænastuna hækkar 3,2 milliónir krónur á fíggjarlógaruppskotinum  næsta ár, so játtanin verður góðar átta milliónir krónur tilsamans.

Veðurtæntastan varð yvirtikin í 2009, men nú, 11 ár seinni, eru veðurballónirnar, sum Arfinnur Thorsteinsson og onnur starvsfólk á Vørn senda upp tvær ferðir um samdøgrið, høvuðsvirksemið hjá veðurtænastuni.

Harumframt verða veðurforsagnir lisnar á telefonsvarara fýra ferðir um samdøgrið, og so umsitur Veðurtænastan veðurstøðirnar í Akrabergi, Mykinesi, Fugloy, á Borðuni, Eiði og í Havn.