Tunlarnir: Skjótt verður ókeypis at koyra

Skjótt verður ókeypis at koyra í Norðoyatunlinum og Vágatunlinum, lovaði landsstýrismaðurin í samferðslumálum í løgtinginum í gjár.

Tað, sum fólk fáa í ferðastuðli úr landskassanum, er nakað tað sama, sum raksturin hjá tunlunum kostar.

Fólk, sum koyra gjøgnum undirsjóvartunnil til arbeiðis, fáa 8,45 kr. hvønn vegin í ferðastuðli frá landinum. Fólk fáa ferðastuðul, um tey hava meira enn 20 kilometrar til arbeiðis

Og tað kostar eisini nógv at krevja inn tunnilsgjaldið.

Tí er burturvið at krevja tunnilsgjald, segði Jørgen Niclasen í tinginum í gjár